ل ڕۆژا سێشه‌مبێ ڕێكه‌ڤتى 22/06/2022 ل زانكۆیا زاخۆ هۆلا كۆنفرانسان وۆركشۆپه‌كا فێركارى و راهێنانێ سه‌باره‌ت (بۆلۆنیا پرۆسێس)  بۆ ستافێ زانكۆیێ كو ژ سه‌رۆك پشك و بریارده‌رێن پشكێ پێكهاتبوون ژلایێ ئاماده‌كارێن بۆلۆنیا پرۆسێس ڤه‌ هاته‌ پێشكێشكرن، مه‌ره‌م ژ ئه‌ڤێ وۆركشۆپێ ئه‌و بوو كو ستاف و ڕێڤه‌برنا زانكۆیێ پتر هایدارى ئه‌ڤێ پرۆسێسێ بیت و زانیاریێن پتر وه‌ربگرن ژبۆ خزمه‌تكرنه‌كا باشتر بۆ زانكۆیێ. ئه‌ڤ وۆركشۆپه‌ بۆ ماوه‌یێ سێ ڕۆژا ب پێشكێشكرنا چه‌ندین سمینار و بابه‌ت و راهێنانێن گرنگ به‌رده‌وامبوو.

ل ده‌ستپێكا وۆركشۆپێ ڕۆژا ئێكێ  ب ره‌نگه‌كێ گشتى باس ل پرۆسێسا بۆلۆنیا هاته‌ كرن و ژلایه‌نێ دلنیا جۆریڤه‌ ب تێر و ته‌سه‌ل هاته‌ پێناسه‌كرن  و تایبه‌تمه‌ندیێن ئه‌ڤێ پرۆسێسێ بۆ كه‌رتێ خواندنا بلند ب ره‌نگه‌كێ جوان هاته‌ شلۆڤه‌كرن.  هه‌روه‌سا ل ڕۆژا دووێ  پتر باس ل شێوازێ دیزاینكرنا پرۆگرام و كۆرسان هاته‌ كرن لگه‌ل چه‌ندین گه‌نگه‌شه‌یێن گرێداى ب بابه‌تێ ناڤبریڤه‌. ل ڕۆژا دوماهیكێ وانه‌یێن هاتینه‌ گۆتن ب ره‌نگه‌كێ پراكتیكى بۆ هه‌مى پشكداربوویان هاته‌ ئه‌نجامدان، هه‌ر پشكه‌كێ ژلایێ خۆڤه‌ به‌رنامه‌یێ خۆ یێ دارشتى پێشكێشكر.

لدوماهیكێ ژلایێ سه‌رۆكێ زانكۆیا زاخۆ ڤه‌ سوپاس و پێزانین لسه‌ر هه‌مى پشكداربووییان هاتنه‌ دابه‌شكرن هه‌روه‌سا پشكداربوویان خۆشحالیا خۆ ده‌ربرى بۆ ئه‌ڤێ پێنگاڤا گرنگ بۆ زانكۆیێ